තුහින සෘතු

chapter 48

" ඒ සිද්ධියට අදාළ සියළුම පොලිස් නිලධාරීන්ගේ වැඩ තහනම් කිරීමට අධිකරණය නියෝග කර සිටිනවා.. රාජ කාරිය පැහැර හැරීම, නිසි ලෙස සාක්ෂි සොයා නොබලා බොරු චෝදනා කිරීමත් ඇතුලුව එම සියලුම නිලධාරීන් අසූදාහක දඩයක් අදාල පාර්ශයව වෙත ගෙවීමට නියෝග කර සිටිනවා.. "

මං විත්තිකූඩුවෙ ඉන්න විදුරට ලා හිනාවක් දුන්නත් විදුර හිටියේ මාංචු දාපු අත් දෙකෙන් ඇස් දෙක පිහිදාන ගමන්.. පවු අසරණ ළමය..
ඒ ඇස් රතු වෙලා ඇඟ කැහැටු ගැහිලා හත් දවසකින් නාලා නැහැ වගේ ඇගේ කුණු ... මූණේ හැම තැනම තැලීම් පාරවල්..

" ප්‍රකාශ් රිද්ම වනිගසේකර යන අයට එල්ල කෙරූ සියලුම චෝදනා සාධාරණ සැකයෙන් ඔබ්බට ගොඩ් සාක්ෂිත් සමග ඔහු වැරදිකරු කිරීමට සාක්ෂි ඉදිරිපත් කිරීම නිසා අධිකරණයේ ඒකමතික තීරණය යටතේ දොං හේවගේ ප්‍රකාශ් රිද්ම වනිගසේකර යන අයව මිනීමැරීම , ගරු අධිකරණයට මුසා පැවසීම , සාක්ෂි වෙනස් කිරීම යන චෝදනා වලට වැරදි කරු කරමි ශ්‍රී ලංකා දන්ඩනීති සංග්‍රහයේ 278 වගන්තිය යටතේ අවුරුදු 67 ක් බරපතල වැඩ සහිතව බන්ධනාගාර ගත කිරීමට නියෝග කර සිටිනවා.."

ඩං
ඩං
ඩං

ඒකත් හරි.. සිහස්න එක්ක විදුරව නිවාසෙට යවලා මං ආවේ රින්ක් එකට..

" මන්දෝදර් හිප් එක උයිට වඩා හැඩේට පාත් කරන්න.. මූණේ හැඟීම් වැදගත්..."

කෝච් මගෙ පස්සේ ඉඳන් මගෙ තියෙන පොඩි පොඩි වැරදි හැදුවත් එහෙම ලොකුවට හදන්න දෙයක් තිබ්බේ නැහැ..

මුළු රින්ක් එක පුරාම ඇහෙන්නේ මං තෝරගත්‍ත සිංදුව වගෙම කෝච් හදලා දුන්න පොෆෝමන් එක එකට නියමෙට යනවා..

මූණේ හැඟීම් අත් , කකුල් , ඇඟ ඒ හැම දෙයකම චලනයන් තාම වැදගත්..

සීතල පොලොව කපාගෙන මගෙ බ්ලෙඩ් එකෙන් විරූපු හැඩ රටා මිදිච්ච පොලොවේ රටා මවනකොට සීතල අස්සේ මට දාඩියත් දාලා මහන්සියට..

" මේ සැරේ උපරිමේට කරමු මන්දෝදර් ඔයාට පුළුවන් තේරුනානේ..."

කෝච් මගෙ පිටට එකක් ගහලා රින්ක් එකෙන් එලියට ගියේ පැය හතකට පස්සේ...